Ha,ha...mér fannst þetta doldið skemmtilegt val á mynd í stíl við fréttina


http://www.mbl.is/mm/frettir/innlent/2009/09/30/haett_ad_greida_fyrir_dyrari_lyf/

Kv,
GAP

Já þið heyrðuð rétt. Saumógengið er að fara að spýta í lófana. Stefnum á saumó miðvikudagskvöldið 9. september heima hjá mér í Fellsmúlanum. Endilega merkið hvort þið komist eða ekki. Leynigestur kemur í heimsókn. Vísbending: Hún var kölluð upp á flugvellinum í Sanfran á leið til Mexico : )

Vona að þið séuð að njóta sumarsins krúttin mín, ég er að reyna það en tíminn fer samt að mestu í að reyna að segja bumbubúanum mínum að það sé miklu skemmtilegra hérna úti hjá okkur en inni hjá því. Það er ekki alveg að taka mig trúanlega í þeim efnum - ekki enn sem komið er allavega, hehe Núna eru sem sagt komnar rúmar 40 vikur þannig að þetta hlýtur að fara að gerast fljótlega en við erum annars bara mjög spræk.
Hvernig er annars með næsta saumaklúbb? Ég hélt að Vilborg og co væru næstar en skv. skemanu hér til hliðar eru það Klara og Hákon og svo við Guðrún Eva. Er eitthvað ringluð í planinu...
Vona að þið séuð dugleg í útilegum og ferðalögum í góða veðrinu!

Kveðja,
Hlíf

Hæ hó.

Nú er svo langt síðan ég hef lagt mitt að mörkum til að halda síðunni okkar lifandi að ég ákvað bara að blogga svolítið þar sem ég á ekkert blogg. Ég ætla að segja nokkrar sögur af því sem á daga mína hefur drifið að undanförnu og svo gerið þið það auðvitað líka í athugasemdum á eftir. Það hefur væntanlega ýmislegt drifið á daga ykkar og ég missti af saumó skiljiði.

Við skötuhjúin skelltum okkur í bústað á dögunum og áttum voða fína viku. Karlinn náttúrulega haltrandi eftir enn eitt lappakrukkið en það kom ekki að sök fyrir utan svæsið hreyfingarleysi þá vikuna. Eitt kvöldið vorum við að horfa á sjónvarpið og duttum inn á þátt frá smáþjóðaleikunum á Kýpur. Andíþróttaálfurinn ég sagði strax ,,ojjj nei ég nenni ekki að horfa á þetta" en sjúklinginn langaði að horfa og sá sem er lasinn ræður auðvitað. Svo eftir smástund kom atriði frá þrístökki kvenna. Þá lifnaði yfir minni. Ég hoppaði upp og niður í sófanum og gólaði á sjúklinginn ,,þetterún Jóhanna sem að....æ sem að...æþarnaþúveist...(byrstimig) æveistekkihverúner?" ,,Jújú ég veit hver hún Jóhanna er" heyrðist rólega í sjúklingnum. Þá sljákkaði nú aðeins í mér en ég var ægilega glöð (svona égþekkjana tilfinning skiljiði). Til hamingju Jóhanna mín, með þennan frábæra árangur : )

Svo tveimur dögum eftir þetta fór ég í Laugarspa til að nota gjafakortið frá ykkur þar sem það var að renna út. Eftir bíltúr í bæinn, greiðslu reikninga og stapp við afgreiðslustúlkurnar þar sem hinn helmingurinn hafði verið bókaður í vitlaust dekur tók sælan við. Og ó mæ god þetta var GEÐVEIKT. Nudd og andlitsbað og ég veit ekki hvað og hvað. Þið þurfið ekkert að vera að leita að afmælisgjöf fyrir mig út um allt. Það er bara fínt að fá svona aftur muhahahahaha.

Síðan varð karlinn minn formlega ÍAK einkaþjálfari á laugardaginn. Kerlan stóð sveitt í partýundirbúningi allan daginn á milli þess sem hún brunaði til Keflavíkur til að horfa á herlegheitin. Á meðan dillaði karlinn sér bara bensínlaus á Reykjanesbrautinni og hafði það gott. Síðan komu 20 ógisslega flott boddí í partý um kvöldið og ég brussaðist þarna með og hækkaði töluna í 22, þ.e. svona hlutfallslega.

Að lokum setti ég skoðanakönnun inn í ljósi nýjustu frétta og bíð hér spennt eftir myndum af Hlíf (eða sko því sem er inníhenni).

En nú þið : )

Jæja stúlkukindur þá er komið að því : Strákó !!!!!!

Fimmtudaginn 4. júní verður strákó heima hjá Hirti á Arnarneshæðinni

Þá er um að gera að spara magann og éta ekkert svo rosa mikið næstu vikuna eða svo. Og ekki hika við að æla reglulega til þess að skapa betra pláss fyrir kræsilegar veitingar.

Hlökkum til að já ykkur.

p.s. endilega að melda sig svo við vtium hvað við getum búist við mörgum

Sæl og blessuð og takk fyrir síðast

Mig langaði bara að segja ykkur a Sophie eignaðist litla stúlku þann 25.Apríl, 3075g og 49,5cm
Móður og barni heilsast vel

Ef ykkur langar að skoða myndir og fylgjast með þeim mæðgum þá er það http://www.nino.is/skiptirengumali

Kv Berglingur

Jæja, þá er komið að því að boðið er til saumó.

Við Álfrún ætlum að halda saumó mánudaginn 20.apríl kl.20 heima hjá mér, Langholtsvegi 2.
Endilega látið vita hvort þið komist eða ekki

Páskakveðjur, Berglind

...svo það fara að verða síðustu forvöð fyrir ykkur strákar að halda saumó. Ég hef fulla trú á að Lalli sletti fram úr erminni króatískum krásum og að þið standið ykkur með prýði strákar svo bara hvenær og hvar á ég að mæta?

Vil bara minna ykkur öll á dress-kódið fyrir árshátíðina. Nú er um að gera að dubba sig upp og dusta rykið af lakkskónum, engum verður hleypt inn í gallabuxum.
Eins og eftir allar alvöru hátíðir verður síðan úttekt hér á síðunni eftir helgi um best og verst klædda lyfjafræðinginn ;-)
 

Hádí...

Alveg að líða að árshátíð og engar tilkynningar frá nefndinni?
Ég er orðin svo hrikalega spennt
Vonandi heyrum við í nefndinni fljótlega.

Kv,
GA

Ágætu bekkjarfélagar,

Ákveðið hefur verið að halda hina árlegu (verður framvegis árlegur viðburður) árshátíð bekkjarins föstudagskvöldið 6.mars næskomandi. Húllumhæið mun fara fram á efri hæð Suðurhvamms 6 í Hafnarfirði. Allir að taka kvöldið frá............þetta verður engu líkt !!

Nánari upplýsingar verða birtar síðar







Kveðja,
Nefndin

Þið suðið og suðið um saumó, svo þegar ég bíð ykkur partý þá heyrist ekki bíb nema Berglind sem er stuðbolti þú rokkar Hvað segjiði?? 31.jan.. laugardagur ég get búið til eitthvað að borða fyrir ykkur líka. Eða Ásdís getur komið með eitthvað að borða sýniði nú smá lit

Hæ, já mér líst rosa vel á að einhver haldi saumó í janúar, helst áður en Berglingurinn fer!  Ég get held ég tekið það að mér ef að Ásdís og Bylgja geta það ekki - röðin er komin að þeim samkvæmt mínum útreikningum...
Annars tilkynnist það hér með að ég hef fengið þessa bráðsmitandi óléttu sem er að ganga og ef allt gengur að óskum kemur krílið í heiminn í byrjun júlí
Hvað segja Ásdís og Bylgja, getið þið haldið í janúar??

Hlakka til að sjá ykkur!
Kv.Hlíf

Þessi síða er nú aldeilis uppfull af hressleika! Er ekki eitthvað að frétta af ykkur börnin góð? Hvernig leggjast jólin í mannskapinn?
 
Ég vil nú nota tækifærið og segja TIL HAMINGJU ELSKU STÍNA OKKAR með litlu sætu snúlluna þína, en hún á alveg flottasta afmælisdaginn 13. des :-)

Hvernig er þetta svo með storkinn... tekur ekki einhver annar við honum þegar hann hefur lokið sínu síðasta missioni, eða hvað?

Elsku Guðrún Eva

Innilegar hamingjuóskir með litlu dótturina. Hvað er hún stór og hvað er hún þung....
er hún með dökkt hár og hvenær fæddist hún?????
Hlakka til að sjá myndir